अर्जेन्टिनाको सेयर बजारमा एउटा अनौठो घटना भएको पाइएको छ । यो देखेर अर्थसास्त्री र सेयर बजारका जानकार समेत अचम्मित भएका छन । सेयर बजारमा सामान्य नियम के हो भने ब्याजदर बढ्दा सेयर घट्छ र ब्याजदर घट्दा सेयर बजार बढ्छ ।
तपाईं हामीले बुझ्दै आएको र देख्दै आएको पनि यस्तै हो । तर ब्याजदर जती बढ्यो त्यती नै सेयर बजार बड्छ भन्दा तपाईं पत्याउनु हुन्छ ? अह ! पत्याउनु हुन्न । तर अर्जेन्टिनामा यस्तै नपत्याउने घटना भएको छ । त्यहा जसरी ब्याजदर बढ्यो, त्यसरी नै सेयर बजार पनि उकालो लागेको पाईएको छ ।
यो देखेर सेयर बजारका जानकार र अर्थशास्त्री समेत हैरान भएका छन ।
अर्जेन्टिनामा अहिले ब्याजदर ११८ प्रतिसत रहेको छ । यो अङ्क हेर्दा तपाईंलाई लाग्ला कि सेयर बजारको हालत अत्यन्तै खराब होला , तर होइन , तपाईंलाई अर्जेन्टिनाको सेयर बजारले गलत साबित गरिदिन्छ । यो देशमा जती ब्याज बढ्यो, त्यसरी नै सेयर बजार बढेको देखिन्छ ।
सन २०२२ सेप्टेम्बर ७ मा १ लाख सट्चालिस हजार छ सय ७ (१,४७,६०७) को बिन्दुमा रहेको सेयर बजार अहिले ६ लाख अठसठठी हजार नौ सय चउन्न (६,६८,९५४) को बिन्दुमा रहेको छ । यो लगभग ३५३ प्रतिसतको बढोत्तरी हो ।
ब्याजदरको कुरा गर्दा, सन २०२० मा २० प्रतिसत हाराहारी रहेको ब्याजदर सन २०२२ मा ३७ प्रतिसत हाराहारी रहेको थियो त्यसपछी ब्याजदर निरन्तर बढ्दै हाल ११८ प्रतिसत हाराहारी देखिन्छ । त्यसरी निरन्तर ब्याजदर बढ्दा सेयर बजार पनि उस्तै गतिमा बढेको अनौठो वास्तविकताले सबैलाई अचम्मित बनाएको छ ।
बेदेशी हेज फण्डले सस्तो मुल्यमा अर्जेन्टिनाको ईक्विटी किनेकाले त्यहाको सेयर बजार बढेको अनुमान गरिएको छ ।
यो हेर्नुस्
अर्जेन्टिनाको ब्याजदरको बढाइ चित्रमा हेर्नुस् (Deposit interest rate )
त्यही समयमा अर्जेन्टिनाको सेयर बजार उकालो लागेको पनि चित्रमा हेर्नुस्
यो सामाग्री तयार पार्दा ट्रेडिङ ईकोनोमिक्सको सहयोग लिईएको छ ।
