माण्डु हाइड्रोपावर डेभलपमेन्ट कम्पनी लिमिटेड(MANDU)को आईपीओमा आज सम्म माग भन्दा साढे ६ गुणा भन्दा बढी आवेदन परेको छ । केन्द्रीय निक्षेप प्रणाली (सिडिएससी) का अनुसार आजसम्म ६.५८ गुणा आवेदन परेको हो।
कम्पनिको आइपिओमा १२ लाख पाँच हजार ३२० कित्ताको लाग आबेदन माग हुँदा ७ लाख २२ हजार १५९ आवेदकले ७९ लाख ३१ हजार कित्ता शेयर खरिदका लागि आबेदन प्राप्त भएको छ ।
कम्पनिले आयोजना प्रभावित क्षेत्रका स्थानीय बासिन्दाहरु र शेयर वैदेशिक रोजगारीमा रहेका नेपालीहरुका लागि निष्काशन गरी बाँडफाँट गरिसकेको छ।
कम्पनीले प्रतिकित्ता १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा आईपीओ निष्काशन गरेको हो।
कम्पनीले निष्काशन गरेको आईपीओमा आवेदन दिने भोली अन्तिम दिन हो । सो आईपीओमा इच्छुक लगानीकर्ताले प्रतिकित्ता १०० रुपैयाँमा १०६ रुपैयाँ प्रिमियम थप गरी प्रतिशेयर २०६ रुपैयाँका दरले न्यूनतम १० कित्ता तथा सोभन्दा बढीका लागि १० अंकले भाग जाने संख्यामा अधिकतम ५० हजार कित्तासम्मका लागि आवेदन दिन सक्नेछन्।
