नेपाल बीमा प्राधिकरणले ८ बीमा कम्पनीलाई हकप्रद सेयर जारी गर्न दिने निर्णय गरेको छ।
४ जीवन बिमा कम्पनी र ४ निर्जीवन बीमा कम्पनीलाई हकप्रद जारी गर्नका लागि अनुमती पाएका हुन । जीवन बीमातर्फ एसियन लाइफ, सानिमा रिलायन्स लाइफ, सूर्यज्योति लाइफ र प्रभु महालक्ष्मी लाइफलाई हकप्रद जारी गर्न दिने निर्णय प्राधिकरणले गरेको हो ।
त्यस्तै निर्जीवन बिमा कम्पनिहरुमा युनाइटेड अजोड, सानिमा जीआईसी, नेको र हिमालयन एभरेस्ट इन्स्योरेन्सले हकप्रद जारी गर्न अनुमती पाएका हुन ।
प्राधिकरणका अनुसार एसियन लाइफलाई ४२ प्रतिशत हकप्रद जारी गर्न निर्णय गरेको छ। त्यस्तै सानिमा रिलायन्स लाइफलाई २० प्रतिशत हकप्रद , सूर्यज्योति लाइफलाई १० प्रतिशत र प्रभु महालक्ष्मी लाइफलाई १० प्रतिशत हकप्रद जारी गर्न दिने निर्णय प्राधिकरणले गरेको छ।
यसैगरी प्राधिकरणले निर्जीवन बीमातर्फ युनाइटेड अजोड इन्स्योरेन्सलाई ३२ प्रतिशत हकप्रद, सानिमा जीआईसी र नेको इन्स्योरेन्सलाई समान २५–२५ प्रतिशतका हकप्रद, हिमालयन एभरेस्ट इन्स्योरेन्सलाई १२ प्रतिशत हकप्रद निष्कासनको अनुमति दिने निर्णय गरेको छ।
