पहिलो दिनै भगवती हाइड्रोपावर डेभलपमेन्ट कम्पनीको आईपीओ करिब ५ गुणाले ओभरसब्सक्राइब्ड भएको छ।
कम्पनीले सर्वसाधारणका लागि आईपीओ खुला गरेको पहिलो दिन नै ओभरसब्सक्राइब्ड भएको हो । कम्पनीले १०० रुपैयाँ अंकित मूल्यमा १६ रुपैयाँ प्रिमियम थपेर प्रतिकित्ता ११६ रुपैयाँमा आईपीओ निष्कासन गरेको हो।
कम्पनीले जारी पुँजी ५७ करोड २० लाख ६४ हजार ७०० रुपैयाँको १५ प्रतिशतले हुन आउने ८ लाख ५८ हजार ९७ कित्ता सेयरमध्ये १० प्रतिशत ८५ हजार ८१० कित्ता सेयर वैदेशिक रोजगारीमा रहेका नेपालीलाई बिक्री गरिसकेको छ।
यसैगरी ५ प्रतिशतले हुन आउने ४२ हजार ९०५ कित्ता सेयर सामूहिक लगानी कोष र २ प्रतिशतले हुन आउने १७ हजार १६२ कित्ता सेयर छुट्याएर बाँकी ७ लाख १२ हजार २२० कित्तामा सर्वसाधारणका लागि आवेदन खुला गरिएको छ। यो आईपीओमा लगानीकर्ताले न्यूनतम १० कित्तादेखि ५ हजार कित्ताका लागि आवेदन दिन सक्नेछन्।
पहिलो दिनको साँझ ५ बजेसम्म यो आईपीओमा ३ लाख १ हजार ८७५ आवेदकबाट कुल ३४ लाख २२ हजार २० कित्ता अर्थात मागभन्दा ४.८० गुणाले बढी आबेदन भएको हो ।
भगवती हाइड्रोपावरको आईपीओ बिक्री प्रबन्धकमा सिद्धार्थ क्यापिटल रहेको छ।
