भारत सरकारले प्याज निर्यातमा ४० प्रतिसत कर लगाउने निर्णय गरेको छ । प्याजको मूल्यमा अत्यधिक वृद्धि भएकाले मुल्य बड्न नदिन यो उपाय लगाइएको हो । यदी बाहिर जाने प्याजमा कर लगाउने हो भने बाहिर कम खपत हुन थाल्नेछ र भारतमा आपुर्ती बढ्न गई मुल्य घट्नेछ – यही मान्यताका आधारमा प्याजमा कर लगाइएको हो ।
हालसम्म प्याजको निर्यातमा कुनै कर लाग्दैन थियो । तर, हाल प्याजको मुल्य बढेकोले यसलाई नियन्त्रण गर्न भारत सरकारले करको सहयोग लिएको हो ।
भारतको वित्त मन्त्रालयले जारी गरेको एक विज्ञप्तिमा प्याजको निर्यातमा कर लगाइएको उल्लेख गरिएको छ । तत्कालै कार्यान्यनमा आएको यो व्यवस्था ३१ डिसेम्बरसम्म रहने जनाइएको छ ।
अल इण्डिया रिटेल प्राइसकाअनुसार प्याजको मूल्य १० अगस्टमा २७.९० रुपैयाँ प्रतिकेजी थियो । गत वर्ष यही समयमा भारतमा २ रुपैयाँ प्रतिकेजीमा प्याज पाइएको थियो । यसरी मुल्य आकासिए पछी मुल्य नियन्त्रणको प्रयास स्वरुप कर लगाइएको हो ।
भारतले कर लगाएपछी भारतबाट आउने प्याजको मुल्यमा ६० प्रतिसतसम्म बढ्ने अनुमान गरिएको छ । गत आर्थिक वर्ष नेपालले ६ अर्ब ७५ करोड ९ लाख २३ हजार रुपैयाँ बराबरको १ लाख ८० हजार मेट्रिक टन प्याज भारतबाट आयात गरेको थियो ।
