माण्डु हाइड्रोपावर लिमिटेडले प्रिमियम मुल्यमा आईपीओ निष्काशन गर्ने भएको छ। कम्पनिले प्रति सेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा आवेदन खुलाउने भएको छ ।
कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागी आइपिओ बाडफाड गरिसकेको छ ।
कम्पनीले जारी पूँजी १ अर्ब ३६ करोड ३६ लाख ३७ हजार रुपैयाँको २ प्रतिशत अर्थात २ लाख ७२ हजार ७३० कित्ता सेयर प्रतिशेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा आयोजना प्रभावित क्षेत्रका स्थानीय बासिन्दाहरुका लागि निष्काशन गरेको थियो।
आयोजना प्रभावित क्षेत्रका स्थानीय बासिन्दाहरुले नकिनेको ७९ लाख ३० कित्ता समेत कुल १३ लाख ६ हजार ३०६ कित्ता सेयर निष्काशन गर्न लागेको छ् । यसमध्य २८ हजार ८५३ कित्ता सेयर कम्पनीका कर्मचारीहरुका लागि छुट्याइएको छ भने ७२ हजार १३३ कित्ता शेयर सामूहिक लगानी कोषलाई बाँडफाँट गरिएको छ। कम्पनीले बाँकी रहेको १२ लाख ५ हजार ३२० कित्ता शेयर सर्वसाधारण लगानीकर्ताहरुका लागि छुट्याएको छ ।
यो आईपीओमा न्यूनतम १० कित्ताका लागि आवेदन दिनुपर्नेछ भने अधिकतममा ५० हजार कित्ता शेयरका लागि आवेदन दिन सकिनेछ।
यो आइपिओको निष्काशन बन्द छिटोमा भदौ १३ गते हुनेछ भने ढिलोमा भदौ २४ गते हुनेछ।
इक्रा नेपालले कम्पनीलाई इक्राएनपी इस्यूअर रेटिङ्ग ट्रिपल बी माइनस प्रदान गरेको छ। यसले कम्पनीको दायित्व बहन गर्ने क्षमतामा औषत जोखिम रहेको संकेत गर्दछ।
कम्पनिले २२ मेघावाट बिध्युत उत्पादन गर्दैछ , जसको जम्मा लगानी ४.०२ अर्ब रहेको छ । त्यस्तै उक्त आयोजनाको प्रतिमेघावाट लगानी १८.२७ करोड रहेको देखिन्छ ।
कम्पनीको सेयर निष्कासन तथा बिक्री प्रबन्धक प्रभु क्यापिटल लिमिटेड रहेको छ ।
आइपिओ बाडफाड पछी कम्पनिमा ८८ प्रतिसत सेयरमा प्रमोटरको लगानी हुनेछ भने बाँकी सेयर सर्बसाधारणको लागानी हुनेछ ।
