नेपाल राष्ट्र बैंकले देशको वर्तमान आर्थिक तथा वित्तीय स्थिती सम्बन्धी गत आर्थिक वर्ष २०७९/८० को वार्षिक तथ्याङ्क सार्वजनिक गरेकाे छ ।
रिपाेर्ट अनुसार मुद्रास्फीति ७.७४ प्रतिशत रहेको छ । आयात र निर्यात दुबै घटेको छ । जहाँ आयात १६.१ प्रतिशतले घटेको छ भने निर्यात समेत २१.४ प्रतिशतले घटेकाे छ ।
रेमिट्यान्स २१.२ प्रतिशतले ब्रिद्धी भएको छ । शोधनान्तर स्थिति २९० अर्ब ५२ करोडले बचतमा रहेको देखिन्छ ।
हाल कुल विदेशी विनिमय सञ्चिति ११ अर्ब ७४ करोड अमेरिकी डलर रहेको छ । उक्त सञ्चिति १० महिनाको आयात धान्न सक्छ ।
त्यस्तै बैंक तथा वित्तीय संस्थाको निक्षेप संकलन १२.३ प्रतिशतले र निजी क्षेत्रमा प्रवाहित कर्जा ३.८ प्रतिशतले ब्रिद्धी भएको देखिन्छ ।
त्यस्तै २०८० असार मसान्तमा बैंक तथा वित्तीय संस्थाहरुमा रहेको कुल निक्षेप रु.५७ खर्ब १० अर्ब र निजी क्षेत्रमा प्रवाहित कर्जा रु.४७ खर्ब ९७ अर्ब पुगेको छ ।
