नेपाल राष्ट्र बैंकका कर्मचारीहरूमाथि यौन हिंसा हुने गरेको एक अध्ययनले देखाएको छ । नेआलको केन्द्रीय बैंकका १ सय ६१ कर्मचारी यौन तथा शारीरिक हिंसाको शिकार भएको तथ्य बाहिरिएको छ ।
राष्ट्र बैंकको मानव संशाधन व्यवस्थापन विभागले अध्ययन गरी सार्वजनिक गरेको ‘नेपाल राष्ट्र बैंकमा मानव संशाधन व्यवस्थापन अभ्यास’ सम्बन्धी अध्ययन प्रतिवेदनले केन्द्रीय बैंकमा कार्यरत १४.८ प्रतिशत कर्मचारी यौन तथा शारीरिक उत्पीडन र ६० प्रतिशत कर्मचारी मानसिक उत्पीडनको शिकार भएको देखाएको छ।
राष्ट्र बैंकमा कार्यरत १ हजार ८२ जना कर्मचारी माथ मानव संशाधन व्यवस्थापन विभागले २०२२ मा उक्त अध्ययन गरेको थियो । ति कर्मचारीलाई बिभिन्न प्रश्नहरु तयार गरेर सोधिएको थियो , सोही प्रश्नको उत्तरलाई केलाउदा राष्ट्र बैंकमा हुने यौन तथा शारीरिक र मानसिक उत्पीडनको तथ्य बाहिर आएको हो।
प्रतिवेदनअनुसार राष्ट्र बैंकका १ हजार ८२ जना मध्ये १ सय ६१ जनाले यौन तथा शारीरिक हिंसाको सामना गर्नुपरेको छ। जसमध्ये ४७ जना कहिलेकही, १० जना प्राय: र १ सय ४ जना विरलै यौन तथा शारीरिक हिंसाको शिकार भएका हुन्। बाँकी कर्मचारीले यस्तो हिंसाको सामना कहिलै गर्नुनपरेको उल्लेख गरिएको छ।
यसैगरी केन्द्रीय बैंकमा कार्यरत कर्मचारीमध्ये ६ सय ४९ जना मानसिक उत्पीडनको शिकार भएको देखाएको छ। जसमध्ये १९ जना सधै, २ सय ६३ जना जना कहिलेकही, १९ जना प्राय: र ३ सय ४८ जना विरलै मानसिक उत्पीडनको परेको भनेका छन ।
यसको कारणबारे सोध्दा ८० प्रतिसत हाराहारिले यौन तथा शारीरिक र मानसिक उत्पीडनविरुद्ध नीति नभएर भनेका छन् भने ५५ प्रतिशतले राष्ट्र बैंकको कर्मचारी नीतिले मानसिक स्वास्थ्यसम्बन्धी समस्यालाई प्राथमिकतामा नराख्दा र ८० प्रतिशतले राष्ट्र बैंकले अहिले भएका नीतिलाई सुधार गर्नु पर्ने औल्याएका छ्न ।
