केही बैंकका अनुसार भदौमा ब्याजदर बड्ने भएको छ । ब्याजदर नबढाए आफुसँग भएको निक्षेप पनि गुम्ने अवस्था आएको भन्दै बैंकहरुले निक्षेप बढाउने तयारी अगाडि बढाएका हुन ।
बाणिज्य बैंकका प्रमुख कार्यकारी अधिकृत(सीइओ)को छाता संगठन नेपाल बैंकर्स एशोसिएसन(एनबीए)ले साउनका लागि तोकिने ब्याजदरको बारेमा असार अन्तिम साता छलफल भएको थियो । छलफलमा तत्कालिन समयमा भएको ‘भद्र सहमति’ हटाएर राष्ट्र बैंकको नियम भित्र रहेर बैंकहरुले ब्याजदर घटाउने सहमती बन्यो । त्यसपछी सोही सहमती अनुसारन श्रावणका लागि बैंकहरुले ब्याजदर घटाएर तोके । तर केही बैंकले ब्याजदर घटाऊनुको सट्टा बढाएर ब्याजदर घटाऊने सहमती तोडेका थिए ।
” एनबीएका अध्यक्षले नेतृत्व गरेकै बैंकले ब्याजदर बढाएर बजारमा आतङ्क सिर्जना गर्यो । एक हिसाबले त्यो बैंकले साह्रो फट्याइँ गर्यो, एक बैंकले त सबै बैंकले बिहान प्रकाशित गरेको रेट हेरेर दिउँसो अरुभन्दा प्वाइन्ट १ बढाएर रेट प्रकाशित गर्यो । यो त हदैसम्मको वेइमानी भयो नि ।”- एक बैंकका सिईओले आर्थिक कागज सँग भने ।
हाल बजारमा तरलताको अभाब पनि छैन तर केही बैंकले गरेको गलत अभ्यासले अर्थतन्त्रमा नै असर पर्ने गरी ब्याजदर बढ्ने भएको हो । केही बैंकले आफ्नो फाईदा मात्र हेर्दा ब्याजदर घटाएर अर्थतन्त्र चलायमान बनाउनु पर्ने अवस्थामा ब्याजदर बढ्ने अवस्था सिर्जना भएको छ ।
अर्थतन्त्रलाई गलत दिशामा लान केही बैंक उध्दत रहेको देखिन्छ । आफ्नो फाईदा मात्र हेर्दा ब्याजदरको लिगलिगे दौड सुरु भएको छ , यसले भदौ मा ब्याजदर बड्ने देखिएको छ ।
