23 C
Nepal
Thursday, July 25, 2024

नागरिक लगानी कोषको नाफा ३६.७४%ले बढ्यो

नागरिक लगानी कोष (सीआईटी)ले आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण सार्वजनिक गरेको छ।

कोषले चौथो त्रैमासम्म ९० करोड ७८ लाख रुपैयाँ खुद नाफा आर्जन गर्न सफल भएको छ। जुन अघिल्लो वर्षको यही अवधिसम्मको तुलनामा ३६.७४ प्रतिशतले बढी हो।

समीक्षा अवधिसम्म कोषको ब्याज आम्दानी १२.५१ प्रतिशतले बढेर ४० करोड ४९ लाख रुपैयाँ भएको छ। कोषको सेवा शुल्क तथा कमिसन आम्दानी १ अर्ब ३७ करोड रुपैयाँको उचाइमा पुगेको छ।

कोषको व्यवस्थापन खर्च बढेर ५१ करोड २३ लाख रुपैयाँ भएको छ। सेयरपुँजी ५ अर्ब ३१ करोड रुपैयाँ रहेको कोषको सेयर जगेडा कोषमा २२ अर्ब ३६ करोड रुपैयाँ रहेको छ।

कोषको प्रतिसेयर आम्दानी (ईपीएस) घटेर १७.०८ रुपैयाँ कायम भएको छ। लगानीमा प्रतिफल (आरओई) ८.८७ प्रतिशतबाट बढेर ९.४० प्रतिशत पुगेको छ। कोषको प्रतिसेयर नेटवर्थ १५४.८१ रुपैयाँ रहेको छ।

spot_img
Latest news
Related news

LEAVE A REPLY

Please enter your comment!
Please enter your name here