हाथवे इन्भेष्टमेन्ट नेपाल लिमिटेडले साउन ४ गतेबाट पहिलाे चरणमा वैदेशिक रोजगारीमा रहेका नेपालीहरुका लागि निष्कासन गरेकाे आईपीओ भाेलि साउन २५ गते बाँडफाँड गर्ने भएकाे छ ।
बिहीबार बिहान ९ बजे निष्कासन तथा बिक्री प्रबन्धक ग्लोबल आइएमई क्यापिटल लिमिटेड, नक्साल, काठमाडौँमा बाडफाड हुनेछ ।
प्रतिकित्त ५० रूपैयाँ तोकेर निस्कासन गरिएको उक्त कम्पनिको आइपिओमा वैदेशिक रोजगारीमा रहेका नेपालीहरुका लागि २ लाख ९२ हजार ५ सय कित्ता छुट्याइएको थियो ।
आईपीओ बाँडफाँड गर्दा न्युनतम २० कित्ता बाँडफाँड हुनेछ। यदी सबै आवेदकलाई न्युनतम २० कित्ता आईपीओ बाँडफाँड गर्न नपुग्ने भएमा गोलाप्रथाबाट बाँडफाँड गरिनेछ ।
कम्पनीकाे आईपीओ निष्कासन तथा बिक्री प्रबन्धकमा ग्लोबल आईएमई क्यापिटल लिमिटेड रहेकाे छ ।
वैदेशिक रोजगारीमा रहेका नेपालीहरुका लागि निष्कासन गरिएको आईपीओ बाँडफाँड गरेपछि कम्पनीले सर्वसाधारणलाई आईपीओ निष्कासन गर्नेछ । कम्पनीले सर्वसाधारणलाई २४ लाख २७ हजार ७ सय ५० कित्ता आईपीओ निष्कासन गर्नेछ ।
