हिमालयन बैंकले गत आर्थिक वर्ष २०७९–८०को चौथो त्रैमाससम्मको परिष्कृत वित्तीय विवरण सार्वजनिक गरेको छ।
समीक्षा अवधिसम्म बैंकले ३ अर्ब २६ करोड रुपैयाँ खुद नाफा आर्जन गरेको छ।
समीक्षा अवधिसम्म बैंकको वितरणयोग्य मुनाफा ७१ करोड १४ लाख रुपैयाँले ऋणात्मक रहेको छ। बैंकको खराब कर्जा बढेर इम्पेयरमेन्ट चार्ज बढ्दा वितरणयोग्य मुनाफा नकारात्मक देखिन्छ ।
समीक्षा अवधिमा बैंकको खराब कर्जा अनुपात (एनपीएल) बढेर ४.५७ प्रतिशत पुगेको छ। बैंकको खराब कर्जा बढ्दा प्रोभिजनका रुपमा राख्नुपर्ने इम्पेयरमेन्ट चार्ज पनि बढेर २ अर्ब १५ करोड रुपैयाँ पुगेको छ।
बैंकको सञ्चालन मुनाफा अघिल्लो बर्षको तुलनामा ११४.८१ प्रतिशतले बढेर ५ अर्ब ४९ करोड रुपैयाँ पुगेको छ।
बैंकको खुद ब्याज आम्दानी १००.९५ प्रतिशतले बढेर ९ अर्ब ९३ करोड रुपैयाँ भएको छ। बैंकको रिजर्भ १३०.३९ प्रतिशतले बढेर १४ अर्ब ९१ करोड रुपैयाँ पुगेको छ ।
समीक्षा अवधिमा बैंकले २ खर्ब ७५ अर्ब रुपैयाँ निक्षेप संकलन गरी २ खर्ब ३० अर्ब रुपैयाँ कर्जा परिचालन गरेको छ।
बैंकको प्रतिसेयर आम्दानी (ईपीएस) बढेर १९.१९ रुपैयाँ कायम भएको छ। बैंकको प्रतिसेयर नेटवर्थ १६५.५८ रुपैयाँ रहेको छ।
