ग्लोबल आइएमई बैंकले गत आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण सार्वजनिक गरेको छ।
विवरण अनुसार बैंकले ७ अर्ब २५ करोड रुपैयाँ खुद नाफा आर्जन गरेको छ। अघिल्लो बर्षको तुलनामा यो नाफा ४६.२६ प्रतिशतले बढी हो।
समीक्षा अवधिसम्म बैंकको वितरणयोग्य मुनाफा २ अर्ब ९५ करोड रुपैयाँ रहेको छ। बैंकको लाभांश क्षमता ८ प्रतिशत हाराहारी रहेको देखिन्छ ।
यस अबधिमा बैंकको खराब कर्जा अनुपात (एनपीएल) ३.०८ प्रतिशत छ भने इम्पेयरमेन्ट चार्ज पनि बढेर २ अर्ब ७१ करोड रुपैयाँ पुगेको देखिन्छ ।
बैंकको खुद ब्याज आम्दानी ६६.३६ प्रतिशतले बढेर १७ अर्ब ११ करोड रुपैयाँ भएको छ। बैंकको सञ्चालन मुनाफा अघिल्लो बर्षको तुलनामा ४४.२६ प्रतिशतले बढेर १० अर्ब ३६ करोड रुपैयाँ रहेकोे छ।
बैंकको रिजर्भ १९ अर्ब ९५ करोड रुपैयाँको रहेको छ। अघिल्लो वर्ष रिजर्भमा १० अर्ब ७० करोड रुपैयाँ रहेको थियो।
समीक्षा अवधिमा बैंकले ४ खर्ब २६ अर्ब रुपैयाँ निक्षेप संकलन गरी ३ खर्ब ५६ अर्ब रुपैयाँ कर्जा परिचालन गरेको छ।
बैंकको प्रतिसेयर आम्दानी (ईपीएस) सामान्य घटेर २०.७७ रुपैयाँ कायम भएको छ। अघिल्लो वर्ष ईपीएस २०.८४ रुपैयाँ थियो। पीई रेसियो ८.९६ गुणा रहेको बैंकको प्रतिसेयर नेटवर्थ १६४.०५ रुपैयाँ रहेको छ।
