एनआईसी एशिया बैंक लिमिटेडले गत आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण प्रकाशित गरेको छ।
समीक्षा अवधिसम्म बैंकले ४ अर्ब ६५ करोड रुपैयाँ खुद नाफा कमाएको छ। यो नाफा अघिल्लो बर्षको तुलनामा १० प्रतिशतले बढी हो।
बैंकको खुद ब्याज आम्दानी ९.५८% ले बढेर १२ अर्ब ३७ करोड ११ लाख रुपैयाँ कायम भएको छ । त्यस्तै समिक्षा अवधिमा बैंकको सञ्चालन नाफा १४.४५% बढेको छ । बैंकको एनपीएल ०.८ प्रतिशत पुगेको छ।
बैंकको रिजर्भ १४ अर्ब ३८ करोड ८४ लाख रुपैयाँ रहेको छ ।
बैंकको प्रतिसेयर आम्दानी समिक्षा अबधिसम्म ४०.२२ रुपैयाँ पुगेको छ। बैंकको प्रतिसेयर नेटवर्थ २५६।४१ रुपैयाँ रहेको देखिन्छ ।
त्यस्तै बैंकले समिक्षा अवधिसम्ममा ३ खर्ब १४ अर्ब निक्षेप संकलन गरेर २ खर्ब ७१ अर्ब कर्जा परिचालन गरेको छ।
