सांग्रिला डेभलपमेन्ट बैंकले गत आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार समीक्षा अवधिसम्म बैंकले ३४ करोड ३७ लाख रुपैयाँ खुद नाफा आर्जन गरेको छ। यो नाफा अघिल्लो बर्षको तुलनामा नाफा ३४.८० प्रतिशतले घटी हो ।
समीक्षा अवधिसम्म बैंकको वितरणयोग्य मुनाफा २४ करोड ८९ लाख रुपैयाँ रहेको छ। त्यस्तै सञ्चालन मुनाफा ५० करोड ५१ लाख रुपैयाँ रहेकोे छ।
यो अवधिमा बैंकको खुद ब्याज आम्दानी ६.६८ प्रतिशतले बढेर १ अर्ब ८० करोड रुपैयाँ भएको छ। बैंकको रिजर्भ १४.४८ प्रतिशतले बढेर १ अर्ब ३ करोड रुपैयाँ रहेको छ।
यस अवधिमा बैंकले ५० अर्ब ५६ करोड रुपैयाँ निक्षेप संकलन गरी ४० अर्ब १० करोड रुपैयाँ कर्जा परिचालन गरेको छ। त्यस्तै खराब कर्जा अनुपात बढेर ३.०६ प्रतिशत पुगेको छ।
खराब कर्जा बढ्दा बैंकको इम्पेयरमेन्ट चार्ज बढेर ४३ करोड ५६ लाख रुपैयाँ पुगेको छ।
बैंकको प्रतिसेयर आम्दानी घटेर १०.५२ रुपैयाँ कायम भएको छ। पीई रेसियो ३०.६१ गुणा रहेको बैंकको प्रतिसेयर नेटवर्थ १३९.४२ रुपैयाँ रहेको छ।
