प्रभु बैंकले गत आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण सार्वजनिक गरेको छ ।
विवरणअनुसार बैंकले २ अर्ब ८२ करोड रुपैयाँ खुद नाफा कमाएको छ। यो नाफा अघिल्लो बर्षको तुलनामा ४८.५४ प्रतिशतले बढी हो।
समीक्षा अवधिसम्म बैंकको वितरणयोग्य मुनाफा १६ करोड १६ लाख रुपैयाँ रहेको छ। त्यस्तै खराब कर्जा अनुपात (एनपीएल) बढेर ४.१६ प्रतिशत पुगेको छ ।
बैंकको इम्पेयरमेन्ट चार्ज बढेर २ अर्ब ४३ करोड रुपैयाँ पुगेको छ। यसले बैंकको वितरणयोग्य मुनाफा घट्न गएको देखिन्छ ।
बैंकको सञ्चालन मुनाफा ४ अर्ब २० करोड रुपैयाँ रहेकोे छ।
यो अवधिमा बैंकको खुद ब्याज आम्दानी ७८.६२ प्रतिशतले बढेर १० अर्ब २५ करोड रुपैयाँ भएको छ। बैंकको रिजर्भको आकार १० अर्ब २ करोड रुपैयाँ पुगेको छ।
समीक्षा अवधिमा बैंकले २ खर्ब ८९ अर्ब रुपैयाँ निक्षेप संकलन गरी २ खर्ब ३८ अर्ब रुपैयाँ कर्जा परिचालन गरेको छ। समीक्षा अवधिमा निक्षेप संकलन ६१.८२ प्रतिशत र कर्जा लगानी ६३.८५ प्रतिशतले बढेको छ। यसले बैंकले आफ्नो व्यापार द्रुत गतिमा बढाएको देखिन्छ ।
बैंकको प्रतिसेयर आम्दानी १२ रुपैयाँ कायम भएको छ। पीई रेसियो १३.१३ गुणा रहेको बैंकको प्रतिसेयर नेटवर्थ १४३.२५ रुपैयाँ रहेको छ।
