कृषि विकास बैंकले गत आर्थिक वर्ष २०७९–८०को चौथो त्रैमाससम्मको अपरिष्कृत वित्तीय विवरण सार्वजनिक गरेको छ ।
विवरण अनुसार बैंकले ३ अर्ब ९ करोड रुपैयाँ खुद नाफा कमाएको छ।अघिल्लो बर्षको तुलनामा बैंकको नाफा ३९.२५ प्रतिशतले बढी हो।
समीक्षा अवधिसम्म बैंकको वितरणयोग्य मुनाफा २ अर्ब ७१ लाख रुपैयाँ रहेको छ। बैंकको लाभांश बाँड्न सक्ने क्षमता १० प्रतिशत बढी देखिन्छ।
बैंकको सञ्चालन मुनाफा ४ अर्ब ५४ करोड रुपैयाँ रहेकोे छ। खुद ब्याज आम्दानी ३.३० प्रतिशतले घटेर ८ अर्ब ८ करोड रुपैयाँ भएको छ।
समीक्षा अवधिमा बैंकको रिजर्भको आकार ४.५२ प्रतिशतले बढेर ११ अर्ब ७२ करोड रुपैयाँ पुगेको छ। बैंकले १ खर्ब ९९ अर्ब रुपैयाँ निक्षेप संकलन गरी १ खर्ब ७१ अर्ब रुपैयाँ कर्जा परिचालन गरेको छ।
समीक्षा अवधिमा बैंकको खराब कर्जा अनुपात (एनपीएल) बढेर २.४८ प्रतिशत पुगेको छ। बैंकको इम्पेयरमेन्ट चार्ज ९१ करोड ९१ लाख रुपैयाँ रहेको छ।
बैंकको प्रतिसेयर आम्दानी (ईपीएस) बढेर २०.६२ रुपैयाँ कायम भएको छ। अघिल्लो वर्ष ईपीएस १४.४१ रुपैयाँ थियो। बैंकको प्रतिसेयर नेटवर्थ २११.६० रुपैयाँ रहेको छ।
