नेपाल बैंकले चौथो त्रैमाससम्मको अपरिष्कृत वित्तीय सार्वजनिक गरेको छ ।
विवरणअनुसार बैंकले ३ अर्ब ४१ करोड रुपैयाँ खुद नाफा कमाएको छ। अघिल्लो बर्षको तुलनामा बैंकको नाफा १६.७० प्रतिशतले ब्रिद्धी भएको छ ।
समीक्षा अवधिसम्म बैंकको वितरणयोग्य मुनाफा ९७ करोड ३३ लाख रुपैयाँ रहेको छ । बैंकको ७ प्रतिशतको हाराहारीमा लाभांश बाँड्न सक्ने क्षमता देखिन्छ।
बैंकको सञ्चालन मुनाफा २१.१९ प्रतिशतले बढाएर ४ अर्ब ४० करोड रुपैयाँ पुर्याएको छ। त्यस्तै खुद ब्याज आम्दानी ४०.६१ प्रतिशतले बढेर ९ अर्ब ४४ करोड रुपैयाँ भएको छ।
बैंकको रिजर्भ २० अर्ब ९१ करोड रुपैया पुगेको छ। त्यस्तै बैंक २ खर्ब ४४ अर्ब रुपैयाँ निक्षेप संकलन गरी १ खर्ब ७८ अर्ब रुपैयाँ कर्जा परिचालन गर्न सफल भएको छ।
यस अबधिमा बैंकको खराब कर्जा अनुपात (एनपीएल) २.८५ प्रतिशत पुगेको छ। बैंकको इम्पेयरमेन्ट चार्ज १ अर्ब १७ करोड रुपैयाँ पुगेको छ।
बैंकको प्रतिसेयर आम्दानी (ईपीएस) बढेर २३.२२ रुपैयाँ कायम भएको छ। पीई रेसियो १०.७२ गुणा रहेको बैंकको प्रतिसेयर नेटवर्थ २४८.९४ रुपैयाँ रहेको छ।
