। नेपाल धितोपत्र बोर्ड (सेबोन)ले सेयर कारोबार लागत घटाउन प्रयास गर्ने भएको छ । त्यसका लागि उसले अध्ययन गर्ने भएको हो ।
सेबोनले आज सार्वजनिक गरेको चालु आर्थिक वर्षको नीति तथा कार्यक्रममा सेयर कारोबार लागत घटाउने कुरालाई उठाएको छ ।
धितोपत्र बजारमा मध्यस्थता लागत कम गरी पुँजीमा पहुँच तथा कारोबारमा वृद्धि गर्न धितोपत्र बजार तथा व्यवसायीहरुले लिने शुल्क सम्बन्धमा अध्ययन गरिने नीति तथा कार्यक्रममा प्रस्ताब गरिएको छ।
यो नीतिअनुसार सेबोनले सेयर कारोबारका क्रममा लगानीकर्ताले ब्रोकरलाई तिर्ने कमिसन, मर्चेन्ट बैंकिङ लिने शुल्क, नेप्सेले पाउने कमिसनलगायतका विषयमा अध्ययन गर्ने तयारी गरेको हो।
