नेपाल टेलिकमको रोमिङ महसुल चार गुणा सम्मले घटाएको छ।
सञ्चारमन्त्री रेखा शर्माको निर्देशनमा नेपाल टेलिकमले रोमिङ महसुल चारगुणाले घटाएको हो।
योसँगै अब नेपाल टेलिकमको रोमिङ सेवा लिएर भारतको कुनै नम्बरमा कल गर्दा प्रतिमिनेट ३० रुपैयाँ लाग्दै आएमा अब ७ रुपैयाँमात्रै लाग्नेछ। अन्य नम्बरबाट आएको कल उठाउँदा प्रतिमिनेट १४ रुपैयाँ र एसएमएस गर्दा प्रतिएसएमएस २४ रुपैयाँ लाग्दै आएकोमा अब ७ रुपैयाँमात्रै लाग्नेछ।
थाइल्यान्डमा नेपाल टेलिकमको सिमबाट थाइल्यान्डमै भएको नम्बरमा कल गर्दा र नेपालमा भएको नम्बरमा कल गर्दा प्रतिमिनेट १३५ रुपैयाँ लाग्दै आएको थियो। अब भने प्रतिमिनेट ५० रुपैयाँमात्रै लाग्ने नेपाल टेलिकमले भनेको छ। यस्तै थाइल्यान्डमा नेपाल टेलिकमको सिममा आएको कल उठाउँदा प्रतिमिनेट ९० रुपैयाँ लाग्दै आएकोमा अब प्रतिमिनेट २५ रुपैयाँ लाग्ने छ।
त्यस्तै हाल प्रतिएमबी ४० रुपैयाँ लाग्दै आएको नेपाल टेलिकमको सिमबाट डाटा शुल्क अब घटाएर अब प्रतिएमबी ५ रुपैयाँ कायम गरिएको छ।
