एक वर्षको अवधीमा नेपाल सरकारको ऋण १०.३५ प्रतिशतले बढेको छ ।
पछिल्लो ५ वर्षमा नेपाल सरकारको ऋण दोब्बर भएको छ । कार्यालयले प्रकाशित गरेको तथ्यांकअनुसा गत आर्थिक वर्षमा नेपाल सरकारको कुल ऋण २२ खर्ब २१ अर्ब रुपैयाँ पुगेको छ ।
आर्थिक वर्ष २०७९-८० मा नेपाल सरकारको ऋण २ खर्ब ८ अर्ब रुपैयाँले बढ्दै कुल ऋण २२ खर्ब २१ अर्ब रुपैयाँ पुगेको हो ।
तथ्याङ्क अनुसार एकजना नेपाली नागरिकको थाप्लोमा ७६ हजार १७७ रुपैयाँ ऋण छ । यो रकम अघिल्लो आ ब भन्दा १०.३५ प्रतिशत बढी हो ।
सरकारले अहिले आन्तरिक ॠण ११ खर्ब २८ अर्ब रुपैयाँ र वैदेशिक ऋण १० खर्ब ९३ अर्ब रुपैयाँ तिर्न बाँकी छ । पछिल्लो तथ्यांक अनुसार प्रतिव्यक्ति बाह्य ऋण ३७ हजार ४८८ रुपैयाँ र अन्तरिक ऋण ३८ हजार ६८८ रुपैयाँ प्रतीब्यक्ती पुगेको हो ।
आर्थिक वर्ष २०७९-८० को सुरुमा सरकारको कुल ऋण २० खर्ब १३ अर्ब रुपैयाँ थियो । जसमा आन्तरिक ऋण ९ खर्ब ८७ अर्ब र वैदेशिक ऋण १० खर्ब २५ अर्ब रुपैयाँ थियो ।
सरकारले चालू आर्थिक वर्षमा पनि २ खर्ब ४० अर्ब रुपैयाँ आन्तरिक र २ खर्ब १२ अर्ब रुपैयाँ वैदेशिक ऋण लिने तयारी छ ।
यसले आर्थीक बर्ष २०८०-८१को अन्त्यसम्ममा नेपाल सरकारको कुल ऋण २३ खर्ब रुपैयाँमाथि पुग्ने छ ।
