धितोपत्र बोर्ड र नेपाल स्टक एक्सचेन्ज (नेप्से)बाट अनुमति पाएका नयाँ धितोपत्र दलाल (ब्रोकर) कम्पनीले कारोबार सुरु गरेका छन् । हालसम्म ५० वटा ब्रोकरले मात्र काम गर्दै आएकोमा १६ बर्ष पछि थप नयाँ ब्रोकर कम्पनीले सेयर खरिदबिक्री सुरु गरेका हुन् ।
बिहीबार (आज)बाट भोला गणेश ६१, क्यापिटल म्याक्स ६२, हिमालयन ब्रोकेज ६३, सन् सेक्युरिटिज ६४, सेयरप्रो ६५, मियो सेक्युरिटिज ६६ र प्रोपर्टी बिजवार्ड ६७ नम्बरले नयाँ ब्रोकर कम्पनीको रुपमा सेयर कारोबार सुरु गरेका हुन्
नयाँ ब्राेकरकाे काराेबार सुरू भएसँगै लामाे समयदेखिकाे लगानीकर्ताहरूकाे सपना साकार भएकाे छ । सेयर लगानीकर्ताहरूले विगत लामाे समयदेखि नयाँ ब्राेकरकाे माग गर्दै आएका थिए ।
सेबोनमा आवेदन दिएका ४३ वटा कम्पनीमध्ये १८ वटा कम्पनीले नयाँ ब्रोकर लाइसेन्स पाएका थिए। त्योमध्ये सबै मापदण्ड पूरा गरेका ७ वटा ब्रोकर कम्पनीलाई नेप्सेबाट कारोबार सदस्यता प्रदान गरिएको थियो । कारोबार सदस्यता पाएका ७ वटा नयाँ ब्रोकरहरूले सीडीएस एण्ड क्लियरिङ लिमिटेड (सिडीएससी) बाट असार २५ गते, सोमबार ‘क्लियरिङ मेम्बर’ अर्थात् राफसाफ सदस्यता पाएका थिए ।
यो सँङ्गै सेयर बजारमा नयाँ युगको सुरुवात भएको छ ।
