बैंकिङ प्रणालिमा हाल अधिक तरलता देखिएको छ । केही समय अघीसम्म तरलताको अभाब रहेको बजारमा अहिले तरलताको अवस्था धेरै सुधारिएको छ । यसको कारण अन्तर बैंक ब्याजदर समेत घट्दै गएको छ । नेपाल राष्ट्र बैंकले सार्वजनिक गरेकाे पछिल्लाे तथ्याङ्क अनुसार सीडी रेसियो ८१.६९ प्रतिशतमा झरेकाे छ ।
अन्तर बैंक ब्याजदर ०.९० प्रतिशतमा झरेकाे छ साथै बैंकहरूको औसत कर्जा- निक्षेप अनुपात (सीडी रेसियो) ८१.६९ प्रतिशतमा झरेकाे राष्ट्र बैंकले जनाएको छ ।
नेपाल राष्ट्र बैंकका अनुसार असार २६ गते मंगलबारसम्म बैंक तथा वित्तीय संस्थाहरूमा कुल ५७ खर्ब ३६ अर्ब रुपैयाँ निक्षेप रहेको छ । बैंक तथा वित्तीय संस्थाहरूकाे कुल कर्जा प्रवाह ४८ खर्ब ५४ अर्ब रूपैयाँ छ ।
