बैंकिङ प्रणालीमा एकैदिन २० अर्ब निक्षेप थप भएको छ।
नेपाल राष्ट्र बैंकका अनुसार असार २४ गते एकैदिन बैंक तथा वित्तीय संस्थाहरुको निक्षेप २० अर्ब रुपैयाँले बढेको हो। योसँगै बैंक तथा वित्तीय संस्थाको कुल निक्षेप ५७ खर्ब १५ अर्ब रुपैयाँ पुगेको छ। अघिल्लो दिनसम्म कुल निक्षेप ५६ खर्ब ९५ अर्ब रुपैयाँ थियो।
असार २४ गतेसम्म बैंकहरुको औसत सीडी रेसियो घटेर ८२.०३ प्रतिशतमा झरेको छ। अघिल्लो दिनसम्म औसत सीडी रेसियो ८२.३१ प्रतिशत थियो।
अन्तरबैंक ब्याजर १.३६ प्रतिशतमा झरेको छ। अघिल्लो दिन असार २३ गते अन्तरबैंक ब्याजदर २.९९ प्रतिशत थियो।
