पशुपतिनाथ मन्दिरको जलहरी नजिकै अचम्मको घटना भएको छ । जलहरी नजिकै ४३ तोला सुन फेला परेको छ ।
मुख्य मन्दिरमा राखिएको जलहरीको मुन्तिर खोतल्दा ४३ तोला सुन फेला परेको हो ।
अख्तियार दुरुपयोग अनुसन्धान आयोगले अनुसन्धान गर्ने क्रममा जलहरीमा काम सुन पाइएको थियो । यो प्रकरणमा निकै ठूलो गिरोहको संलग्नता भएको भन्दै त्यसको खोजबिन भइरहँदा एकाएक ४३ तोला सुन फेला परेको घटना बाहिर ल्याइएको हो ।
शुक्रबार(आज) बिहान कम भएको सुन मन्दिरमै हुनुपर्छ भन्दै जलहरि मुन्तिर खोतल्ने काम भएको थियो । सोही क्रममा ४३ तोला सुन फेला परेको स्रोतले बताएको छ । यो घटनालाई स्रोतहरुले नाटकीय प्रकरणको रुपमा लिएका छन् । कम भएको सुनलाई दुरुस्त देखाई सम्भावित कारबाहीबाट जोगिन पशुपति क्षेत्र विकास कोषका अधिकारीहरुको मिलेमतोमा ४३ तोला सुन त्यहाँ लगिएको स्रोतहरुको दाबी छ ।
यो प्रकरणपछि पशुपतिको जलहरीको सुनकाण्ड अझ रहस्यमय बनेको छ ।
