नेपाल राष्ट्र बैंकले बैंकिङ प्रणालीमा अधिक तरलता भएपछि बैंकिङ प्रणालीबाट तान्न २० अर्ब रुपैयाँको रिभर्स रिपो जारी गर्दा बैंक तथा वित्तीय संस्थाहरुले राष्ट्र बैंकले मागेभन्दा बढी २८ अर्ब ८० करोड रुपैयाँको आवेदन दिएका छन्।
राष्ट्र बैंकले रिभर्स रिपोमार्फत बैंकिङ प्रणालीबाट २० अर्ब रुपैयाँ तानेको छ। राष्ट्र बैंकले असार २९ गतेसम्मका लागि (१० दिने अवधिको) बोलकबोलमार्फत २० अर्ब खिचेको हो।
बोलकबोलमार्फत यो रिभर्स रिपोको भारित औसत ब्याजदर ५.०५९१ प्रतिशत कायम भएको छ। अर्थात् अधिकतम ५.३७ देखि न्यूनतम ४.४९ प्रतिशत ब्याजदर कायम भएको छ।
