काठमाडौं महानगरपालिकाका प्रमुख बालेन्द्र शाह उर्फ (बालेन)ले संस्थागत (निजी विद्यालय)का शिक्षकलाई सुविधाअनुसार तलब नपाए महानगरको शिक्षा विभागमा सम्पर्क गर्न आग्रह गरेका छन् । निजी विद्यालयमा शिक्षकको तलब सामुदायिक विद्यालयको भन्दा न्यून भएको गुनासो आउने गरेको भन्दै संस्थागत (निजी विद्यालय)का शिक्षकलाई सुविधाअनुसार तलब नपाए महानगरको शिक्षा विभागमा सम्पर्क गर्न उनले आग्रह गरेका हुन्।
‘शिक्षा ऐन, २०२८’ को दफा १२ (७) (छ) मा संस्थागत विद्यालयको शिक्षकलाई पनि नेपाल सरकारले तोकिदिएको तलब स्केल नघटाई तलब दिनुपर्ने उल्लेख भएको उनले बताएका छन्।
सामुदायिक विद्यालय सरह सुविधा नपाउने निजीका शिक्षकलाई उनले भनेका छन्, ‘सुविधा अनुसारको तलब सुविधा प्राप्त नभएमा काठमाडौँ महानगरपालिका शिक्षा विभागमा सम्पर्क गर्न अनुरोध गर्दछौँ।’
