काठमाडौं महानगरपालिकाका मेयर बालेन्द्र शाहले अदालतको अवेहलना गरेकोको उनलाई कारबाही हुनुपर्ने माग गर्दै सर्वोच्च अदालतमा मुद्दा परेको छ । अधिवक्ता वर्षाकुमारी झाले पेस गरेको निवेदनको पेसी सर्वोच्च अदालतका न्यायाधीश प्रकाशकुमार ढुंगानाले हेर्नेगरी उनको इजालसमा तोकिएको छ ।
अधिवक्ता झाले काठमाडौंका मेयर शाहविरुद्ध पेस गरेको निवेदनमाथि आइतबार न्यायाधीश ढुंगानाको इजलासमा सुनुवाइका लागि पेसी तोकिएको हो ।
मेयर शाहले उच्च अदालत पाटनले हिन्दी फिल्म चल्न दिनु भन्ने आदेश दिएको थियो । उनले उक्त आदेशविरुद्ध अभिव्यक्ति दिएका थिए । उनले राष्ट्रियताको सवाल भएकोले उक्त आदेश नमान्ने जनाएका थिए । सो अभिव्यक्तिले अदालतको अवहेलना गरेको भन्दै अभिवक्ता झाले सर्वोच्च अदालतमा निवेदन पेस गरेकी हुन् ।
