नेपाली राष्ट्रिय क्रिकेट टिमका चर्चित तथा सर्बाधिक सफल खेलाडी सन्दीप लामिछाने आज (सोमबार) दक्षिण अफ्रिका जाने भएका छन् । आईसीसी विश्वकप एकदिवसीय छनोटको अभ्यास खेलका लागि उनी दक्षिण अफ्रिका जान लागेका हुन् । राष्ट्रिय क्रिकेट टोली गत मंगलबार नै दक्षिण अफ्रिका गइसकेको छ ।
बलात्कार आरोपमा जिल्ला अदालतमा पेशी रहेका कारण लामिछाने टोलीसँग जान पाएका थिएनन् । तर, खेललाई मध्यनजर गर्दै पेशी २९ असारमासम्मलाई सारीएपछी उनी आज (सोमबार) प्रशिक्षक मोन्टी देशाइसँगै दक्षिण अफ्रिका जान लागेका हुन ।
नेपालले जेठ २५ गते स्कटल्यान्ड र २७ गते नेदरल्याण्ड्ससँग अभ्यास खेल खेल्नेछ । अभ्यास खेलपछि नेपाली टोली जिम्बावे जानेछ ।
