महालेखापरीक्षक कार्यालयले नेपाल धितोपत्र बोर्डलाई ब्रोकर कमिसन पुनरावलोकन गर्न सुझाव दिएको छ । महालेखापरीक्षक कार्यालयले बुधबार ५९ औं वार्षिक प्रतिवेदन सार्वजनिक गर्दै बोर्डलाई यस्तो सुझाव दिएको हो ।
धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ को नियम ३२(१) अनुसार धितोपत्र दलालले धितोपत्र करोबार सेवा उपलब्ध गराए बापत ग्राहकसँगबाट अनुसूची १४ बमोजिमको सेवा शुल्क लिन सक्ने व्यवस्था छ । यो वर्ष ५० धितोपत्र दलाल व्यवसायीको कुल आय रू.१० अर्ब ६९ करोड ३ लाखमध्ये रू.२ अर्ब ९९ करोड ४८ लाख खर्च गरी रू.७ अर्ब ६९ करोड ५५ लाख खुद आय देखाएका छन् ।
