23 C
Nepal
Thursday, July 25, 2024

इपिएस माइनस ७२ भएको लघुबित्तको मुल्य १३३९,एफपिओ जारी गर्दा ओभरसब्सक्राइब्ड, के हेर्छन लगानिकर्ता ?

युनिक नेपाल लघुवित्त वित्तीय संस्थाको तेश्रो चौमासिक रिपोर्टअनुसार इपिएस माइनस ७२ रहेको छ । यो लघुबित्तको हाल बजार मुल्य १३३९ रहेको छ ।
यस कम्पनिले हालै एफपिओ जारी गरेको थियो । युनिक नेपाल लघुवित्त वित्तीय संस्थाको एफपीओ दोस्रो दिनसम्म १८ गुणा बढीले ओभरसब्सक्राइब्ड भएको छ।

युनिक नेपाल लघुवित्तले हिजो जेठ ११ गतेबाट साधारण सेयरको एफपीओ बिक्री खुला गरेको थियो। संस्थाले ३ करोड ७९ लाख ४२ हजार ५०० रुपैयाँको एफपीओ बिक्री खुला गरेको हो। जसअनुसार संस्थाले १०० अंकित दरका कुल ३ लाख ७९ हजार ४२५ कित्ता एफपीओ जारी गरेको हो।

साबिकको युनिक नेपाल लघुवित्त र घोडीघोडा लघुवित्त मर्जर भई बनेको यो संस्थाको कुल चुक्तापुँजी ११ करोड ६ लाख ३२ हजार ५०० रुपैयाँको ९४.०१ प्रतिशतले हुन आउने संस्थापक समूहको १० करोड ४० लाख २ हजार ५०० र ५.१९ प्रतिशतले हुन आउने सर्वसाधारण समूहको ६६ लाख ३० हजार रुपैयााबराबरको सेयर कायम रहेको हुनाले बैंक तथा वित्तीय संस्थासम्बन्धी ऐन, २०७३ र नेपाल राष्ट्र बैंकले मर्जरका लागि अन्तिम स्वीकृतिपत्र प्रदान गर्दा दिएको निर्देशनबमोजिम युनिक नेपालले एफपीओ जारी गरेको थियो ।


यसरी इपिएस माइनस ७२ भएको कम्पनिको कारोबार १३३९ मा भइरहदा प्रश्न उठ्छ कि लगानीकर्ता के हेर्छन ? पिइ रेसियो माइनस १८ र नेटवर्थ २६० भएको कम्पनिलाई लगानिकर्ताले दोश्रो बजारमा के हेरेर १३३९ हाल्छन त ?


बजार आपुर्ती कम भएकोले म्यानुपुलेसन गरेर मुल्य बढाउन सकिन्छ र बढ्छ भन्ने सोचेर यातत्रो मुल्य हालेको अनुमान गरिन्छ । तर जुन दिन काध थाप्नेले काध थाप्न छोड्छ त्यो दिनदेखी बजार मुल्यमा पहिरो जाने र लगानिकर्ताले ठुलो मुल्य चुकाउनु पर्ने हुन सक्छ ।

spot_img
Latest news
Related news

LEAVE A REPLY

Please enter your comment!
Please enter your name here