काठमाण्डौ — शेयर बजारमा सक्रिय लगानीकर्ताहरूलाई लक्षित गर्दै शिभ चन्द्रले एक स्पष्ट र चतुर सन्देश दिएका छन्। शेयर बजारमा देखिने अस्थिर र भावना आधारित व्यवहारप्रति संकेत गर्दै उनले यस्ता व्यवहारले लगानीकर्तालाई लगानीकर्ता नभएर “खुंखार जुवाडे” बनाउने चेतावनी दिएका हुन्।
उनको भनाइमा:
“यदि तपाईं कारोबार समयमा आफ्नो पोर्टफोलियो १७ पटकसम्म चेक गर्नुहुन्छ, बजार बढ्दा हत्तारिएर खरिद गर्नुहुन्छ, बजार घट्दा आत्तिएर बिक्री गर्न तिर लाग्नुहुन्छ भने तपाईं लगानीकर्ता होइन, जुवाडे हो!”
भावनात्मक निर्णयले डुबाउँछ
शिभ चन्द्रका अनुसार बजारको हरेक उतारचढावमा अत्यधिक प्रतिक्रिया जनाउने, कागजी लाभलाई वास्तविक कमाइ सम्झने, र अल्पकालीन उतारचढावमा तर्सिने प्रवृत्ति नै जुवाडेको चिन्ह हो।
“बजार बढ्दा मात्तिनु, घट्दा आत्तिनु, अनि कागजी घाटालाई नै वास्तविक घाटा सम्झनु — यो सब बजार मनोविज्ञानको भूल हो, जुन सोचले कहिल्यै समृद्धि ल्याउँदैन,” उनले थपे।
दिगो सोच र अनुशासनको खाँचो
शिभ चन्द्रले सुझाएका छन् कि साँचो लगानीकर्ता त्यही हो, जसले दीर्घकालीन लक्ष्य राखेर अनुशासित ढंगले राम्रा कम्पनिमा लगानी गर्छ। बजारको हरेक उतारचढावलाई स्वाभाविक चक्रको रूपमा लिन्छ र सन्तुलित सोच अपनाउँछ।
उनको कटाक्षमा:
“कमाउला त जुवाडेले?”
यो भनाइमार्फत उनले लगानिकर्तालाई आत्ममूल्याङ्कन गर्न आग्रह गरेका छन् — तपाईं साँच्चै लगानीकर्ता हो कि बजारको उन्मादमा बग्ने अर्को एकजना “जुवा खेलाडी”?
[विश्लेषण]
शेयर बजारमा आवेग, डर र लोभले होइन, ज्ञान, धैर्य र योजनाले काम गर्ने हो। शिभ चन्द्रको भनाइ बजारमा सक्रिय सबैका लागि समय सापेक्ष सन्देश बनेको छ — लगानीमा भावना होइन, विवेक चलाऊ।
उनको सन्देश जस्ताको त्यस्तै
