सेन्ट्रल फाइनान्स लिमिटेडले सेयरधनीहरूलाई लाभांश नदिने निर्णय गरेको छ। चैत १३ गते बसेको सञ्चालक समितिको बैठकले गत आर्थिक वर्षका लागि सेयरधनीहरूलाई कुनै पनि प्रकारको लाभांश नदिने निर्णय गरेको हो।
बैठकले आर्थिक वर्ष २०८०/८१ को लेखापरीक्षणपछि प्राप्त भएको वित्तीय विवरणअनुसार कुनै पनि लाभांश वितरण नगर्ने र सोही बमोजिम नेपाल राष्ट्र बैंक समक्ष उक्त वित्तीय विवरण स्वीकृतिको लागि पेश गर्ने निर्णय गरेको संस्थाले जनाएको छ।
नेपाल राष्ट्र बैंकबाट स्वीकृति प्राप्त भएपछि सो वित्तीय विवरण संस्थाको आगामी वार्षिक साधारणसभामा अनुमोदनका लागि पेश गरिनेछ।
