सभापोखरी हाईड्रोपावर लिमिटेडले आईपीओ (प्रारम्भिक सार्वजनिक निष्कासन) को तयारी थालेको छ। कम्पनीले आईपीओ जारी गर्न मुख्य प्रस्तावसहित आगामी वार्षिक साधारण सभा (एजीएम) को मिति तय गरेको छ।
कम्पनी सञ्चालक समितिको चैत १ गते बसेको बैठकले साधारण सभा आगामी चैत ३० गते काठमाडौंको वनस्थलीस्थित कम्पनीको रजिस्टर्ड कार्यालयमा गर्ने निर्णय गरेको छ।
साधारण सभाले कम्पनीको प्रवन्धपत्र, नियमावली तथा प्रचलित कानुनअनुसार आईपीओ निष्कासन प्रक्रिया अघि बढाउन सञ्चालक समितिलाई अख्तियारी दिने प्रस्ताव पारित गर्नेछ।
त्यसैगरी, आर्थिक वर्ष २०८०/८१ को वार्षिक प्रतिवेदन, वित्तीय विवरणलगायत विषयमा छलफल गरी पारित गर्ने निर्णय पनि सभामा हुने बताइएको छ।
नवीन परियोजनासँगै कम्पनीको शेयर संरचनामा आम लगानीकर्ताको सहभागिता बढाउन आईपीओ निष्कासनको योजना अघि बढाइएको कम्पनी स्रोतले जनाएको छ।
