पोखरा फाइनान्सले सार्वजनिक गरेको वित्तीय विवरण अनुसार यस फाइनान्सको बित्तिय अवस्था खराब रहेको देखिएको छ। यस फाइनन्सलाई राष्ट्र बैंकले समस्याग्रस्त घोषणा गर्ने तयारी गरिरहेको छ ।
चालु आर्थिक वर्षको पहिलो त्रैमासमै राष्ट्र बैंकले ४१ प्रतिशत खराब कर्जा कायम गरिदिएकोमा दोस्रो त्रैमासमा कम्पनिले ३३.४४ प्रतिशत खराब कर्जा देखाएको छ।
यस्तै दोस्रो त्रैमासमा फाइनान्सले ३.१७ प्रतिशतले ऋणात्मक देखाएको छ। यो त्रैमास सम्ममा कम्पनीले ६३ करोड ७९ लाख रुपैयाँ घाटा खाएको छ ।
फाइनान्सको खुद ब्याज आम्दानी १७.८३ प्रतिशतले घटेर १४ करोड ३० लाख रुपैयाँ भएको छ । गत वर्ष यसले १७ करोड ४१ लख रुपैयाँ खुद ब्याज आम्दानी गरेको थियो । पुससम्ममा कम्पनी ९५ करोड ७९ लाख रुपैयाँ सञ्चालन घाटामा छ । गत वर्ष फाइनान्सले ४ करोड ३९ लाख रुपैयाँ सञ्चालन नाफा गरेको थियो ।
कम्पनीको इम्पेयरमेन्ट चार्ज १ अर्ब ५२ लाख रुपैयाँ रहेको छ । कम्पनिको वितरणयोग्य नाफा १ अर्ब ५५ करोड रुपैयाँ ऋणात्मक छ ।
फाइनान्सको प्रतिसेयर आम्दानी ५८ रुपैयाँ ९३ पैसा ऋणात्मक रहेको छ । यसको प्रतिसेयर नेटवर्थ ५३ रुपैयाँ ९७ पैसा छ ।
अाबस्यक सुधार नगरिए र यस्तै अवस्था रहिरहे यो फाइनान्स डुब्न् सक्ने खतरा बढ्ने देखिन्छ ।
