नेपाल धितोपत्र बोर्डले निबन्ध प्रतियोगिता आयोजना गर्ने निर्णय गरेको छ । बोर्डको नीति, अनुसन्धान तथा प्रशिक्षण विभागले एक सूचना जारी गर्दै विश्व लगानीकर्ता सप्ताह २०२४ को अवसरमा निबन्ध प्रतियोगिता आयोजना गर्न लागेको जनाएको हो
बोर्डले विश्व लगानीकर्ता सप्ताह २०२४ कात्तिक ६ गतेदेखि १२ गतेसम्म विभिन्न कार्यक्रमहरु गर्ने क्रममा बोर्डबाट निबन्ध प्रतियोगिता पनि आयोजना गर्न लागिएको हो ।
उक्त प्रतियोगितामा विभिन्न विश्वविद्यालय तथा सो अन्तर्गतका क्याम्पस÷कलेजमा स्नातक र स्नातकोत्तर तहमा अध्ययनरत विद्यार्थिहरुले सहभागीता हुन पाउनेछन ।
निबन्धको शीर्षक Fundamentals of Investing in Capital Market र Prevention of Frauds and Scam in Capital Market: Role of Investors, Market Intermediaries and Regulator. रहेका छन् । इच्छुक सहभागीले असोज २८ गतेभित्र बोर्डमा आफ्नो निबन्ध पेश गर्न गर्नु पर्नेछ ।
निबन्ध नेपाली वा अंग्रेजी मध्ये कुनै एक माध्यममा लेख्न सकिनेछ । उक्त निबन्ध पठाउँदा अध्ययनरत क्याम्पस र कलेजको सिफारिस अनिवार्य रुपमा संलग्न गर्नु पर्नेछ । उक्त निबन्धको वर्ड फाइल अनिवार्य रुपमा पठाउनु पर्नेछ ।
यस्तै निबन्ध कम्तिमा १५ सय र अधिक्तम ३ हजार शब्द सीमामा हुनु पर्नेछ र निबन्ध पठाउँदा अन्यत्र प्रकाशित नभएको र प्रकाशनको लागि अन्यत्र पेश समेत नगरिएको हुनु पर्नेछ ।
प्रतियोगितामा प्रथम पुरस्कार हुनेले २५ हजार रुपैयाँ, द्वितीय हुनेले १५ हजार र तृतीय हुनेले १० हजार नगद पुरस्कार पाउनेछन् ।
