प्रभु बैंक लिमिटेडले घटाएर नयाँ व्याजदर प्रकाशन गरेको छ । बैंकले विभिन्न खातामा बैशाख १ गते, शुक्रबारबाट लागु हुने गरी नयाँ व्याजदर प्रकाशन गरेको हो ।
बैंकले प्रकाशन गरेको नयाँ व्याजदर अनुसार बैंकले बचत खातामा न्यूनतम ५.४० प्रतिशतदेखि अधिकतम ८.४० प्रतिशतसम्म ब्याज दिनेछ । बैंकको मुद्दति निक्षेपको ब्याज न्यूनतम ७.९९ प्रतिशत देखि अधिकतम ११.५१ प्रतिशतसम्म तोकिएको छ । बैंकले रेमिट्यान्स रेमिट्यान्स मुद्दती खातामा १०.९९ प्रतिशत व्याज र प्रभु उन्नति मुद्दति(रेमिट्यान्स) खातामा भने ११.५१ प्रतिशत ब्याज प्रदान गर्ने छ । बैंकले बचत खाताको न्यूनतम ब्याजदर ६ प्रतिशतबाट घटाएर ५.४० प्रतिशतमा झारेको हो ।
