मन्दाकिनी हाईड्रोपावर लिमिटेड घाटामा गएको छ । चालु आवको तेस्रो त्रैमाससम्म कम्पनीले १ लाख ४५ हजार रुपैयाँ घाटा खाएको छ । अघिल्लो आवको तेस्रो त्रैमाससम्म भने कम्पनीले १ करोड ३९ लाख रुपैयाँ नाफा कमाएको थियो ।
कम्पनीको खुद विद्युत बिक्री आम्दानीमा ७०.११ प्रतिशतले कमी आएको छ । तेस्रो त्रैमाससम्म कम्पनीले १ करोड ३८ लाख रुपैयाँबराबरको खुद आम्दानी गरेको छ । अघिल्लो आवको तेस्रो त्रैमाससम्म भने कम्पनीले ४ करोड ६२ लाख रुपैयाँबराबरको खुद आम्दानी गरेको थियो ।
कम्पनीले १६ लाख २ हजार रुपैयाँबराबरको वित्त आम्दानी आर्जन गरेको छ । कम्पनीको प्रशासनिक खर्च ७ लाख २३ हजार,रोयल्टी खर्च ४ लाख ५१ हजार,परियोजना खर्च ३१ लाख ८५ हजार र वित्त खर्च ६४ लाख ४४ हजार रुपैयाँ रहेको छ ।
कम्पनीको कुल चालु सम्पत्ति १३ करोड १६ लाख र कुल चालु दायित्व ४५ लाख ४३ हजार रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) ७.२१ रुपैयाँ ,प्रतिसेयर नेटवर्थ १११.३८ रुपैयाँ,प्रतिसेयर कुल सम्पत्तिको मूल्य १०६.०७ रुपैयाँ र मूल्य आम्दानी अनुपात ५८.०८ गुणा रहेको छ ।
