निर्धन उत्थान लघुवित्त वित्तीय संस्था लिमिटेडले चालु आवको तेस्रो त्रैमाससम्म अपरिस्क्रित विवरण सार्वजनिक गरेको छ । यस अबधिमा संस्थाले १७ करोड ५८ लाख रुपैयाँ खुद नाफा कमाएको छ । जुन अघिल्लो आवको सोही अवधिको तुलनामा २९९.४६ प्रतिशतले बढी हो ।
समिक्षा अबधिमा संस्थाको खुद ब्याज आम्दानीमा ३.२६ प्रतिशतले कमी आएको छ । तेस्रो त्रैमाससम्म संस्थाले १ अर्ब ३६ करोड रुपैयाँ खुद ब्याज आम्दानी गरेको छ ।
संस्थाको कुल सञ्चालन आम्दानी १ अर्ब २१ करोड र सञ्चालन मुनाफा ४३ करोड २० लाख रुपैयाँ रहेको देखिएको छ ।
यस्तै संस्थाको वितरणयोग्य मुनाफा ८ करोड २६ लाख रुपैयाँ रहेको छ । त्यस्तै संस्थाको रिटेन्ड अर्निङ १८ करोड १६ लाख रुपैयाँले ऋणात्मक रहेको देखिएको छ । त्यस्तै यस संस्थाको रिजर्भ २ अर्ब ४३ करोड १ लाख रुपैयाँ देखिएको छ ।
तेस्रो त्रैमाससम्ममा संस्थाको निक्षेप सङ्कलन १९ अर्ब ७७ करोड रुपैयाँ रहेको देखिन्छ भने संस्थाको कर्जा प्रबाह २४ अर्ब ३५ करोड रुपैयाँ रहेको छ ।
त्यस्तै अघिल्लो आवको तेस्रो त्रैमाससम्म १२.०९ प्रतिशत रहेको खराब कर्जा अनुपातमा कमी आएर १०.७७ प्रतिशत कायम भएको छ । संस्थाले इम्पेयरमेन्ट चार्जका लागि ५० करोड ८२ लाख रुपैयाँ राखेको छ ।
समीक्षा अवधिसम्म संस्थाको प्रतिसेयर आम्दानी(ईपीएस) ८.९८ रुपैयाँ, प्रतिसेयर नेटवर्थ १८६ रुपैयाँ, प्रतिसेयर कुल सम्पत्तिको मूल्य १ हजार १०० रुपैयाँ, मूल्य आम्दानी अनुपात ७२.९७ गुणा र तरलता अनुपात १२.५५ प्रतिशत रहेको छ ।
