आरम्भ चौतारी लघुवित्त वित्तीय संस्था लिमिटेडले चालु आवको तेस्रो त्रैमाससम्मको अपरिस्क्रित बिबरण सार्वजनिक गरेको छ । कम्पनिले १ करोड ७७ लाख रुपैयाँ खुद नाफा कमाएको छ । अघिल्लो आवको सोही अवधिसम्म भने संस्था ५६ लाख ९१ हजार रुपैयाँ घाटामा रहेको थियो ।
समिक्षा अबधिमा कम्पनिले खुद ब्याज आम्दानी भने १.६९ प्रतिशतले कमी आएको छ । संस्थाले १९ करोड ४ लाख रुपैयाँ खुद ब्याज आम्दानी गरेको छ । संस्थाको कुल सञ्चालन आम्दानी २४ करोड १८ लाख र सञ्चालन मुनाफा २ करोड ५३ लाख रुपैयाँ रहेको छ ।
यस्तै कम्पनिको वितरणयोग्य मुनाफा १ करोड ९९ लाख रुपैयाँ रहेको छ ।
कम्पनिको रिटेन्ड अर्निङ ऋणत्मक र रिजर्भ बढेको देखिएको छ । संस्थाको रिजर्भ १७ करोड ७३ लाख रुपैयाँ रहेको छ । संस्थाको रिटेन्ड अर्निङको आकार भने ७ करोड २१ लाख रुपैयाँले ऋणात्मक रहेको छ ।
कम्पनिको निक्षेप सङ्कलन १ अर्ब ४७ करोड रुपैयाँबराबर रहेको छ भने कम्पनिले ४ अर्ब ४२ करोड रुपैयाँबराबरको कर्जा प्रवाह गरेको छ ।
कम्पनिको खराब कर्जा ४.४४ प्रतिशत रहेको छ । संस्थाको इम्पेयरमेन्ट चार्ज ९५ लाख रुपैयाँले ऋणात्मक छ ।
समीक्षा अवधिसम्म संस्थाको प्रतिसेयर आम्दानी(ईपीएस) ६.४४ रुपैयाँ प्रतिसेयर नेटवर्थ १३५.०२ रुपैयाँ, प्रतिसेयर कुल सम्पत्तिको मूल्य १ हजार ३४५.८० रुपैयाँ, मूल्य आम्दानी अनुपात ११८.४७ गुणा र तरलता अनुपात ३.१३ प्रतिशत रहेको देखिएको छ ।
