अपर हेवाखोला हाईड्रोपावर कम्पनी लिमिटेड घाटामा गएको छ । कम्पनीले चालु आवको दोस्रो त्रैमाससम्ममा ८ करोड ६८ लाख रुपैयाँबराबरको घाटा व्यहोरेको छ । अघिल्लो आवको सोहि अवधिसम्म भने कम्पनी ४ करोड ६३ लाख रुपैयाँ नाफामा थियो । यस जलविद्युत आयोजनामा बाढीले क्षति पुग्दा यस्तो हुन गएको हो ।
कम्पनीको खुद आम्दानी पनि घटेको छ । अघिल्लो आवको तुलनामा कम्पनीको खुद आम्दानी ९६.६३ प्रतिशतको घटेको छ । कम्पनीले यो अवधिसम्म ४० लाख ४१ हजार ्ररुपैयाँ मात्रै खुद आम्दानी गरेको छ । वित्त आम्दानीमार्फत कम्पनीले ११ लाख २८ हजार आर्जन गरेको छ ।
कम्पनीको रिटेन्ड अर्निङ ७ करोड ८१ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति १३ करोड ५५ लाख र कुल चालु दायित्व १६ करोड ६२ लाख रुपैयाँ छ ।
समीक्षाअ अवधिसम्म कम्पनीको प्रतिसेयर आम्दानी(वार्षिक) ३४.७५ रुपैयाँ ऋणात्मक,प्रतिसेयर नेटवर्थ ८६.९० रुपैयाँ,प्रतिसेयर कुल सम्पत्तिको मूल्य ३००.०६ रुपैयाँ र मूल्य आम्दानी अनुपात १०.४५ गुणा ऋणात्मक अवस्थामा छ ।
