माथिल्लो तामाकोशी हाइड्रोपावर कम्पनीको सर्वसाधारण समूहतर्फको बिक्री हुन नसकेको १ करोड ७० लाख १९ हजार ५३० कित्ता हकप्रद सेयर लिलामीमा राखेको छ । यसमा इच्छुक व्यक्ति, संघसंस्था तथा लगानीकर्ताले पुस १३ गतेदेखि २९ गतेसम्म गोप्य शिलबन्दी बोलपत्रमार्फत आवेदन दिन सक्नेछन् ।
बिक्री प्रवन्धक नागरिक लगानी कोष र सनराइज क्यापिटलको कार्यालयमा आवेदन फारम लिन र फारम भर्न सकिनेछ ।
कम्पनीको सेयर प्रतिकित्ता न्यूनतम १०० रुपैयाँ मूल्य तोकिएको छ । यसको अर्थ कम्पनिले सेयर किन्न १०० वा सो भन्दा माथि रकम बोलकबोल गर्नुपर्नेछ । कम्पनिले सेयर न्यूनतम १००कित्ताका लागि आवेदन दिनु पर्नेछ ।
५ लाख रुपैयाँभन्दा बढी रकमको आवेदन दिनेले प्यान नम्बर खुलाउनुपर्नेछ । बिक्री प्रवन्धकका अनुसार मूल्य बढाबढका आधारमा सेयर बाँडफाँट हुनेछ ।
कम्पनीले १ करोड ७० लाख १९ हजार ५३० कित्ता सेयर लिलाम गर्न लागेको हो ।
