साना किसान विकास लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ।
समीक्षा अवधिमा संस्थाले ३० करोड १४ लाख रुपैयाँ खुद नाफा आर्जन गर्न सफल भएको छ। जुन अघिल्लो वर्षको यही अवधिको तुलनामा २९.४८ प्रतिशतले बढी हो।
समीक्षा अवधिमा संस्थाको सञ्चालन मुनाफा पनि २९.६९ प्रतिशतले बढेर ४३ करोड ५ लाख रुपैयाँ भएको छ।
पहिलो त्रैमासमा संस्थाले ५१ करोड ६५ लाख रुपैयाँ खुद ब्याज आम्दानी गरेको छ।
संस्थाको खराब कर्जा अनुपात (एनपीएल) ०.८१ प्रतिशत रहेको छ ।
कम्पनिले इम्पेयरमेन्ट चार्ज १ करोड ९६ लाख रुपैयाँ छुट्याएको छ।
संस्थाको वार्षिकीकृत ईपीएस भने घटेर ३६.१९ रुपैयाँ कायम भएको छ। अघिल्लो वर्ष ईपीएस ५९.५२ रुपैयाँ थियो। पीई रेसियो २४.०४ गुणा रहेको संस्थाको प्रतिसेयर नेटवर्थ २६८.८० रुपैयाँ रहेको छ।
