घोराही सिमेन्ट इन्डस्ट्रीको सेयरको मुल्य ओरालो लाग्ने क्रम जारी रहेको छ । यसैक्रममा यस् कम्पनिको सेयर आईपीओको मूल्य भन्दा पनि कम मुल्यमा पाईने भएको छ ।
कम्पनीले सर्वसाधारणलाई आइपिओ जारी गर्दा अंकित मूल्य १०० रुपैयाँमा ३३५ रुपैयाँ प्रिमियम थपेर प्रतिकित्ता ४३५ रुपैयाँमा आइपिओ जारी गरेको थियो।
यो कम्पनीको सेयरको अन्तीम कारोबा आज ४३४.८० मा भएको थियो। ४३९ रुपैयाँमा कारोबार खुलेको घोराही सिमेन्टको सेयर मुल्य आज आइपिओओ मुल्य भन्दा तल झरेर बन्द भएको छ ।
यो कम्पनीको सेयरभाउ ५२ साताको अधिकतम मुल्य ५८१.४० रुपैयाँ र न्यून मुल्य ४३० रुपैयाँ रहेको छ।
दोश्रो बजारमा कारोबर भएको दिननै नेगटिभ सर्किट लागेको यस कम्पनिको सेयरको मुल्य निरन्तर घटिरहेको छ । यस कम्पनिले आइपिओ जारी गर्दा नियम बिपरित गरिएको रेटिङ देखाएर प्रिमियममा आइपिओ जारी गरेको थियो ।
यस कम्पनिले प्रिमियममा आइपिओ जारी गर्दा धितोपत्र बोर्डका प्रमुख हमाल आर्थिक प्रलोभनमा परेको भनेर धेरै लगानिकर्ताले आरोप लगाउने गरेका छन ।
नियामक निकाय धितोपत्र बोर्डले नियमबिपरित गराएको रेटिङ देख्दा देख्दै पनि प्रिमियममा आइपिओ जारी गर्न दिनुले र अर्बौ ॠण भएको र करोडको लगानिमा हजार कमाउने कम्पनिलाई प्रिमियममा आइपिओ जारी गर्न दिनुले मिलोमतो र आर्थिक प्रलोभनमा परी हमालले प्रिमियममा आइपिओ जारी गर्न दिएको प्रस्ट हुने एक लगानिकर्ता बताउछन ।
हुन पनि सामान्य रुपमा हेर्दा नियमबिपरितको रेटिङ देखाएर आइपिओ जारी गर्ने घोराही सिमेन्टलाई कारबाही हुनुपर्ने हो , तर अहिलेसम्म दबाब र प्रभाबमा परी कारबाहीबाट जोगिएको देखिन्छ ।
आइपिओ जारी गर्दा पनि फर्जी आबेदन दिएर कृतिम माग सिर्जना गरी लगानिकर्ता फसाउने खेल घोराही सिमेन्टले गरेको देखिन्छ । उक्त फर्जी आबेदनको बारे अहिलेसम्म कुनै कारबाही भएको छैन ।
घोराहीमा प्रिमियमको खेल सफल भएपछी अन्य धेरै कम्पनिलाई प्रिमियममा आइपिओ जारी गर्न धितोपत्र बोर्डले दिएको छ । अहिले लगानिकर्ताले धितोपत्र बोर्ड बिरुद्द अदालतमा मुद्दा दाँयर गर्ने तयारी गरेका छन ।
फर्जी आबेदन र नियमबिपरितको रेटिङ पेस गरी लगानिकर्ता भ्रमित पारी लगानिकर्तालाई फसाउने घोराहिलाई चाडो भन्दा चाडो कारबाही हुन जरुरी देखिन्छ ।
घोराही सिमेन्टले नियम बिपरितको स्वार्थ बाझिने रेटिङ देखाएको र फर्जी आबेदन दिएर कृतिम माग सिर्जना गरी लगानिकर्तालाई भ्रमित पार्दै फसाएर उठाएको प्रिमियमबापतको रकम लगानिकर्तालाई फिर्ता गर्नु पर्छ – एक लगानिकर्ता भन्छन ।
