एक महिनामा बैंकहरुले कती खुद नाफा कमाउलान ? यसको उत्तर हुन्छ १० अर्ब रुपैयाँ । हो, बैंकहरुले चालु आर्थिक वर्षको पहिलो महिना साउनमा १० अर्ब २२ करोड ४७ लाख रुपैयाँ खुद नाफा आर्जन गरेका छन ।
केन्दिय बैंकको तथ्याङ्क अनुसार यस अवधिमा वाणिज्य बैंकहरुले ८ अर्ब ५२ करोड ४९ लाख खुद नाफा आर्जन गरेका छन । त्यस्तै विकास बैंकहरुले ९४ करोड ८१ लाख र वित्त कम्पनीहरुले ७५ करोड १५ लाख रुपैयाँ खुदनाफा आर्जन गरेका छन ।
२० वाणिज्य बैंकहरुले एक महिनामा साढे ८ अर्ब खुदनाफा आर्जन गरेका हुन । यस अबधिमा ग्लोबल आइएमई बैंकले
९९ करोड २३ लाख कमाएर पहिलो स्थानमा रहेको छ । नबिलले ७५ करोड ५५ लाख कमाउदै दोश्रो स्थानमा रहेको छ । ७४ करोड ७९ लाख खुदनाफा आर्जन गर्दै नेपाल इन्भेष्टमेन्ट मेगा बैंक तेश्रो स्थानमा रहन सफल भएको छ ।
त्यस्तै , ६३ करोड १२ लाख आर्जन गर्दै हिमालयन बैंक चौथो स्थानमा रहेको छ । त्यसरी नै कुमारी बैंकले ५७ करोड ७१ लाख रुपैयाँ खुदनाफा कमाएका हुन्।
यसरी नै राष्ट्रिय वाणिज्य बैंकले ४४ करोड ७० लाख, प्राइम बैंकले ४२ करोड ४८ लाख, एनआइसी बैंकले ४१ करोड ५४ लाख, एनएमबी बैंकले ३८ करोड ३१ लाख, एभरेस्ट बैंकले ३६ करोड ७६ लाख र नेपाल बैंकले ३६ करोड ४ लाख रुपैयाँ खुदनाफा आर्जन गरेका छन ।
