अपर तामाकोशी हाइड्रोपावर कम्पनीको हकप्रदमा आवेदन दिने म्याद थप गरेको छ। मागबमोजिम आवेदन नपरेको भन्दै कम्पनिले हकप्रद भर्न यही असोज २२ गतेसम्म पाउने व्यवस्था मिलाईएको हो।
कम्पनीले गत भदौ १८ गतेदेखि आफ्ना सेयरधनीहरुका लागि चुक्तापुँजीको १ः१ अनुपातमा अर्थात १०० प्रतिशत हकप्रद सेयर बिक्री खुला गरेको थियो।
कम्पनीले १० अर्ब ५९ करोड रुपैयाँबराबरको १०० रुपैयाँ अंकित दरका १० करोड ५९ लाख कित्ता हकप्रद बिक्री खुला गरेको छ।
हकप्रद निष्कासनार्थ कम्पनीले गत साउन २६ गते बुक क्लोज गरेको कारण साउन २५ गतेसम्म कायम सेयरधनीहरु मात्रै यो कम्पनीको हकप्रदमा भर्न योग्य हुनेछन ।
लगानीकर्ताले यो हकप्रदमा नेपाल धितोपत्र बोर्डबाट आस्बा अनुमति प्राप्त बैंक तथा वित्तीय संस्था र मेरो सेयरमार्फत आवेदन दिन सकिनेछ।
हाल कम्पनीको चुक्तापुँजी १० अर्ब ५९ करोड रुपैयाँ रहेको छ । हकप्रद सेयर जारी गरेर कम्पनिले चुक्तापुँजी २१ अर्ब १८ करोड रुपैयाँ पुर्याउने लक्ष राखेको छ ।
