सिड इनर्जी लिमिटेडले आफ्नो दोस्रो वार्षिक साधारणसभा डाकेको छ। कम्पनीको मुख्य अजेन्डा प्रिमियममा आईपीओ ल्याउने रहेको छ ।
कम्पनी सञ्चालक समितिको मंगलबार बसेको बैठकले वार्षिक साधारणसभा आउँदो असोज १७ गते पुल्चोकस्थित होटेल स्क्वायरमा दिउँसो २ बजेबाट हुने निर्णय गरेको छ ।
सभाले कम्पनीको अधिकृत पुँजी र जारी पुँजी वृद्धि गर्ने र सोहीबमोजिम प्रबन्धपत्रमा आवश्यक संशोधन गर्ने विशेष प्रस्ताव अनुमोदन गर्ने र २०७९–८०को वार्षिक तथा लेखापरीक्षकको प्रतिवेदन स्वीकृत गर्नेछ।
वार्षिक साधारणसभाले कम्पनीको प्रबन्धपत्र तथा प्रचलित धितोपत्रसम्बन्धी कानुनमा भएको व्यवस्थाबमोजिम सर्वसाधारणलाई छुट्याएको सेयर सार्वजनिक निष्कासन गर्ने विशेष प्रस्ताव समेत पारित गर्नेछ।
