कुमारी बैंकले १० लाख बढी कित्ता सेयर बिक्री गर्ने निर्णय गरेको छ ।
बैंकले विद्यमान संस्थापक सेयरधनीका साथै अन्य व्यक्ति तथा संस्थाले खरिद आवेदन पेस गर्न सक्ने गरी संस्थापक समूहको १० लाख १८ हजार ५०४ कित्ता सेयर बिक्रीमा राखेको हो।
यो सेयर किन्न न्यूनतम मूल्य प्रतिकित्ता १०१ रुपैयाँ वा सोभन्दा बढी बोलकबोल गर्नुपर्नेछ।
यो सेयर किन्दा न्यूनतम १ हजार कित्ताका र अधिकतममा सम्पूर्ण कित्ताका लागि खरिद आवेदन दिन सकिने ब्यबस्था मिलाईेको छ ।
बोलपत्र पेस गर्ने अन्तिम मिति असोज १० गतेसम्म तोकिएको छ।
लगानीकर्ताहरुले खरिद आवेदन काठमाण्डौको कमलादीस्थित कुमारी बैंकको कार्यालयमा पेस गर्नुपर्नेछ।
