ग्रीनलाइफ हाइड्रोपावर लिमिटेडले चालु आवको दोस्रो त्रैमासिक वित्तीय विवरण आज सार्वजनिक गरेको छ । कम्पनीले सो अवधिसम्म १ करोड ८८ लाख ४ हजार रुपैयाँ खुद नाफा कमाएको छ ।
कम्पनीले कमाएको यो नाफा गत आवको सोही अवधिसम्मको तुलनामा २४.७४ प्रतिशत बढी हो । गत आवको दोस्रो त्रैमाससम्म कम्पनीले १ करोड ५० लाख ७४ हजार रुपैयाँ नाफा कमाएको थियो ।
कम्पनीको आम्दानीमा सुधार देखिएसँगै नाफा बढ्न टेवा पुगेको हो । कम्पनीको आम्दानी ७.३५ प्रतिशतले बढेर ५ करोड २६ लाख ४२ हजार पुगेको छ । गत आवको सोही अवधिसम्म भने कम्पनीको आम्दानी ४ करोड ९० लाख ३९ हजार रुपैयाँ रहेको थियो ।
कम्पनीको प्रतिसेयर आम्दानी (इपीएस) १.६७ रुपैयाँबाट बढेर २.०९ रुपैयाँ पुगेको छ भने नेटवर्थ १०८.१९ रुपैयाँबाट बढेर ११०.७७ रुपैयाँ पुगेको छ ।
त्यस्तै, कम्पनीका पीई रेसियो १४६.१६ गुणाबाट घटेर ११९.६६ गुणा, तरलता अनुपात ०.१४ प्रतिशतबाट ०.०३ प्रतिशत कायम भएको छ ।
