सम्पदा लघुवित्त वित्तीय संस्था लिमिटेडले संस्थापक समूहका नाममा रहेको ८ हजार ३०० कित्ता संस्थापक सेयर बिक्रीमा राखेको छ। कम्पनीले सोमबार एक सूचना प्रकाशित गर्दै हाल कायम रहेका संस्थापक सेयरधनीहरुलाई उक्त सेयर खरिद गर्न प्राथमिकता दिइने व्यवस्था अनुसार बिक्री प्रक्रिया सुरु गरिएको जानकारी दिएको हो।
सूचना अनुसार इच्छुक संस्थापक सेयरधनीहरुले सूचना प्रकाशित भएको मितिले ३५ दिनभित्र आवश्यक कागजातहरू संलग्न गरी आवेदन दिनुपर्नेछ। आवेदन दिँदा आफूले खरिद गर्न चाहेको सेयरको संख्याको स्पष्ट विवरण उल्लेख गर्नु पर्नेछ।
आवेदन कम्पनीको केन्द्रीय कार्यालय बन्दीपुर–१, डुम्रे, तनहुँमा बुझाउनु पर्नेछ।
यदि तोकिएको समयमा हालका संस्थापक सेयरधनीबाट सेयर खरिदका लागि आवेदन नआएमा, प्रचलित कानुनी व्यवस्थाअनुसार अन्य व्यक्ति वा संस्थालाई सेयर बिक्री प्रक्रिया अघि बढाइने लघुवित्तले स्पष्ट पारेको छ।
सम्पदा लघुवित्त ग्रामीण क्षेत्रलाई लक्षित गर्दै वित्तीय सेवा प्रदान गर्दै आएको लघुवित्त संस्था हो।
